KISS ME FERME 水漾亮澤繪形唇釉筆 HK$79
喺上一條片試用過嘅 Kiss Me Ferme 水漾亮澤繪形唇釉筆 , 試用咗一段時間終於可以分享上色效果同埋用後感喇！
顯色度: 🌟🌟
顯色度同實色度都偏低的。你會見到我嘴唇嘅不均勻佢都遮蓋唔到，所以好似我呢d 嘴唇偏乾導致的唇色不均勻 我覺得搽上去會有小小尷尬。
效果：🌟🌟🌟
可以做到玻璃唇嘅juicy lips效果，我自己都覺得呢種水潤感係做得幾好睇 。沒有太大的撫平唇紋作用，但有豐唇效果。
質感: 🌟🌟🌟🌟
喺嘴唇上非常舒服，覺得滋潤而且唔「笠」。滋潤度非常持久，就算我甩曬顏色但去到夜晚可以唔補潤唇膏，嘴唇都唔會甩曬皮或太乾。
持久度：🌟
不太持久，其實食完野或者飲完野都幾乎冇曬 不過就唔會甩得好肉酸（因為太淡色的關係）。
包裝設計：🌟🌟🌟
時尚，方便攜帶。唇色係要扭出來，有時會唔小心扭多咗。扭到出嚟之後，掃頭設計令我比較難去精準地搽上嘴，不過好彩佢非常容易推開 唔會因為因為不停blend而導致上色唔均勻或者一達達。
我自己喜歡 02, 03, 05 及 07 號色。其他顏色我自己覺得好似搽咗等於冇搽 😂
希望呢個review幫到你地！唔知你地會唔會去買呢?
*PR Gift 試用產品
Search